Cagayan wawalisin ang Smart sa serye

MANILA, Philippines - Itala ang koponan bi­lang kauna-unahang team na nagkampeon sa pa­mamagitan ng sweep ang nais gawin ng Cagayan Pro­vince sa Game Two ng Sha­key’s V-League Season 10 Open Conference la­ban sa Smart-Cagayan nga­yon sa The Arena sa San Juan City.

Ang laro ay mapapanood sa ganap na alas-4 ng hapon at ito ay isasaere din ng live sa GMA TV Channel 11.

Galing ang tropa ni coach Nestor Pamilar sa 26-24, 25-11, 23-25, 11-25, 15-12 panalo sa Game One noong Martes para mai­sulong din ang winning streak sa 15-0.

“Hindi namin iniisip ang sweep kungdi ang mag-champion. Binigyan ka­mi ng pagkakataon at pag­sisikapan namin na ma­ganap ito,” wika ni Pa­milar.

Ang momentum na ta­ngan ay tiyak na makaka­tulong para manatiling ma­­tikas ang laro ng  mga ina­­asahan tulad nina Thai im­ports Kannika Thipa­chot at Phomia Soraya at mga locals na sina Ai­za Maizo at Angeli Tabaquero.

Asahan naman na ga­gawin ng Net Spikers ang lahat ng makakaya para ma­paabot ang serye sa Game Three sa Oct. 27.

Si Lithawat Kesinee ang mangunguna sa pag-atake ng Smart katuwang  sina Alyssa Valdez, Sue Roces at Gretchel Sol­to­nes.

Kailangan ng Smart na lumabas ang husay ng mga manlalarong gagami­tin dahil hindi tiyak kung makakasama nila ang 6-foot-2 na si Dindin Santiago na maaaring hindi pa­hintulutan ng National University dahil maglala­ro sila sa UniGames sa Ba­colod City.

Bago ang larong ito ay matutunghayan muna ang muling salpukan ng Phi­lip­pine Army at Philippine Air Force sa ganap na alas-2 ng hapon at hanap ng Lady Troo­pers na madup­lika ang 3-0 pa­nalo sa hu­ling tapatan pa­ra ibulsa ang ikatlong pu­westo.