UNTV Cup semis cast kukumpletuhin

LARO NGAYON

Treston College Gym, The Fort, Taguig

4:00 p.m. AFP vs Congress/LGU

5:30 p.m. PhilHealth vs MMDA

MANILA, Philippines - Pipilitin ng Armed For­ces of the Philippines at ng PhilHealth na ma­kum­pleto ang semifinals cast sa 1st UNTV Cup sa Treston College Gym sa The Fort, Taguig City.

Lalabanan ng AFP ang Congress/LGU  ngayong alas-4 ng hapon kasunod ang banggaan ng PhilHealth at Metro Manila De­velopment Authority (MMDA) sa alas-5:30.

Tumapos ang AFP at PhilHealth bilang No. 3 at No. 4 teams at hahawak ng ‘twice-to-beat’ advantage sa quarterfinals.

Ang Philippine Natio­nal Police (6-0) at Judiciary (4-2) ay nakakuha ng out­right semifinals berth.