Wall, Wizards malapit nang magkaayos

MANILA, Philippines - Nakagawa ng isang malaking hakbang ang Wa-shington Wizards para makumpleto ang five-year, $80 million maximum contract extension para kay guard John Wall, ayon sa mga sources ng Yahoo! Sports.

Ilalagay ng Wizards si Wall na franchise player para makuha nito ang fifth year sa extension, ayon sa source.

Ang Wizards at ang ahente ni Wall na si Dan Fegan ay may hanggang Oct. 31 para ayusin ang kasunduan para sa rookie extension kay Wall upang maiwasan ang restricted free agency sa susunod na summer ngunit maganda naman ang takbo ng usapan sa deal.

Naniniwala ang mag-kabilang panig na magkakasundo sila  agad dahil mga detalye at terms na lang ang pinag-uusapan, ayon sa source.