Matapos muling madepensahan ng spurs sa game 3 LeBron nangakong babawi sa Game 4

SAN ANTONIO -- Ka­gaya sa Game 1, mu­ling nakontrol ng San Antonio Spurs si Miami Heat superstar LeBron James sa Game 3 ng kanilang NBA best-of-seven championship series.

Ang tsansa ng Miami Heat na mapanatiling suot ang kanilang NBA title ay nakasalalay kung ano ang ilalaro ni James sa ka­nilang serye.

Tumipa si James ng 15 points, ang siyam dito ay kanyang ginawa sa dulo ng third quarter kung saan nakalayo na ang San Antonio.

May 4 points lamang si­ya sa first half na unang nangyari matapos noong 2003.

At sa ika-10 beses sa kan­yang career ay nabigo siyang tumira sa free throw line.

Huling nangyari ito no­ong 2009.

“I’m just missing shots,” sabi ni James. “They’re going under my pick-and-rolls, they’re daring me to shoot and anytime I get into the paint they’re putting two bodies in front of me. When I get in transition they’re putting two bodies in front of me. They’re doing a good job, but also I’ve got to be able to knock down shots. If I knock down shots, that would draw them closer to me and I’d be able to get into the lane.”

Nilimitahan ng Spurs si James sa 18 points sa Game 1 at 17 points sa Game 2 at 15 points sa Game 3.

“We haven’t stopped any­body,” sabi ni Spurs coach Gregg Popovich.

Hindi lamang si James ang napigilan ng San An­to­nio.

Hindi nakaiskor ang da­lawang starters ng Mia­mi na sina Udonis Haslem at Mario Chalmers.

Nagtala si James ng 7-for-21 fieldgoal shoo­ting.

Naimintis din niya ang 10 sa 11 tira na karamihan ay mula sa mga jump shots.

“I’m hoping that he con­­tinues to miss shots,” pa­nalangin ni San Antonio guard Danny Green sa ilalaro ni James.