Dating NBA player kritikal sa car accident

ATLANTA -- Nasa kritikal na kondisyon si dating NBA player Mookie Blaylock sa isang Atlanta hospi­tal matapos masangkot sa isang aksidente sa kotse no­ong Biyernes.

Sinabi ni Jonesboro Police Chief Frank Allen na in­alis na sa 46-anyos na si Blaylock ang life support nang gumanda ang kanyang kondisyon.

Si Blaylock, naglaro sa Atlanta Hawks sa halos ka­buuan ng kanyang NBA career, ang nagmamaneho sa kan­yang 2010 Cadillac Escalade sa Clayton County sa Atlanta nang lumipat siya ng linya at nasalpok ang isang  minivan.

“We have reason to believe he may have suffered a sei­zure,” sabi ni Allen. “He had been previously trea­ted for a seizure disorder.”

Nasugatan naman ang mag-asawang nakasakay sa mi­nivan at dinala sa Atlanta Medical Center.

Naglaro si Blaylock sa NBA mula noong 1989 hanggang 2002.

Dalawang beses siyang hinirang na NBA All-Defensive First Team.

Naglaro siya para sa Hawks mula 1992 hanggang 1999 bago kumampanya para sa New Jersey Nets at Golden State Warriors.

Isang arrest warrant ang inisyu para kay Blaylock no­ong Mayo 21 nang mabigong humarap sa korte da­hil sa kanyang drug possession at drunken driving char­ges.