Summer Racing Festival ngayon

MANILA, Philippines - Rambulan para sa gantimpalang P24,000.00 ang ma­tutunghayan sa hanay ng anim na kabayo na kasali sa 2013 Summer Racing Festival (HR-4) na isa sa ka­rerang nakahanay sa Metro Turf Club sa Malvar, Ba­tangas ngayong gabi.

Pinasigla ang tagisan sa isinahog na P40,000,00 ad­ded prizes na ipinagkaloob ng Philippine Racing Commission (Philracom) at Metro Manila Turf Club Inc. (MMTCI) para lalong magpursigi ang mga hinete na ipa­nalo ang kanilang mga sakay na kabayo.

Ang mga maglalaban-laban sa race six na inilagay sa 1,400 metrong distansya ay ang Sure Class (Rus Tel­les), Ba­latkayo (JA Guce), Kismet (DH Borbe Jr.), Per­sian Empire (JB Guce), Sparkling Rule (JT Zarate) at Dream Of All (P Dilema).

Inaasahang magbabalikatan ang mga kabayong Ba­latkayo at Dream Of All na tumakbo sa idinaos na AP Reyes Stakes Race noong Abril 14 sa San Lazaro Lei­sure Park sa Carmona, Cavite.

Parehong hindi tumimbang ang dalawang kabayo sa magkahiwalay na karerang nilahukan kaya’t asahan na nasa kondisyon ang Dream Of All at Balatkayo pa­ra makuha ang asam na tagumpay.

May P9,000.00 premyong ibibigay para sa papa­ngalawa at P5,000.00 at P2,000.00 para sa papangatlo at papang-apat sa datingan, ayon sa pagkakasunod.