Villarias nagbida sa pananaig ng NLEX Road Warriors kontra sa Fruitas

MANILA, Philippines - Naipakita ni Byron Vil­larias ang larong inaa­sahan sa kanya para tulu­ngan ang NLEX Road War­riors sa 75-66 pana­lo sa Fruitas sa PBA D-League Foundation Cup ka­hapon sa JCSGO Gym sa Cubao, Quezon City.

Ang dating manlalaro ng Jose Rizal University na kinuha ng Road Warriors sa off-season ay tumipa ng 16 puntos ka­sama ang apat na tres sa se­cond half.

Ang mga tres na ito ay ginawa ni Villarias matapos hawakan ng Shakers ang 53-46.

Dahil sa biglang pag-iinit, ang tropa ni coach Boyet Fernandez ay lumamang sa 64-53 sa kaagahan ng huling yugto.

May tig-10 marka sina Nico Salva at Matt Ga­nue­las para sa NLEX.

Pinaigting din ng Big Chill at Cagayan Valley ang paghahabol para sa pu­westo sa quarterfinals nang kalusin ang mga tal­sik nang Hog’s Breath at In­formatics, ayon sa pag­ka­kasunod.

May 22 puntos si Ping Eximiniano,  habang 15 ang naibigay ni Adrian Ce­lada para bitbitin ang Ri­sing Suns sa 79-68 pa­nalo sa Razorbacks.

Hindi nagpahuli ang Su­­perchargers na dinurog naman ang Icons, 92-63, pa­ra pantayan ang 4-4 kar­ta ng Cagayan Valley at ang pahingang Cebuana Lhuillier.