Appointment maipapakita ang tunay na kakayahan

MANILA, Philippines - Magkakaroon ng pag­ka­kataon ang 3-year old horse na Appointment na maipakita ang kondisyon sa pagtakbo sa Handicap race (4) ngayon sa Metro Turf Club sa Malvar, Ba­tangas.

Race six ang karera sa programa at ito ay mag­sisilbing tune-up ng ka­bayo upang malaman kung may kakayahang ma­nalo kung isasali sa 20­13 Philracom Triple Crown Stakes race.

Sa 1,600 metro pag­la­labanan ang karera na kung saan kasali rin ang mga kabayong Fourth Dan (AR Villegas), Hum­ble Submission (LT Cuadra), Gold On Fire (FM Raquel Jr.), Keep The Pledge (EG Reyes) at Kaindara (EM Raquel).

Si Jessie Guce ang di­diskarte sa Appointment mu­la sa dating hineteng si Jonathan Hernandez na naihatid ang kabayo sa pang-apat na puwesto sa Philracom Chairman’s Cup noong Marso na pi­nagharian ng Be Humble.

Ang 1st Leg ng Triple Crown ay gagawin sa bagong race track na pag-aari ng Metro Mani­la Turf Club sa Mayo sa isang milyang distansya ka­ya’t magkakaroon ng pag­kakataon ang mga may-ari ng kabayo at mga ka­rerista na makita ang pu­wedeng ipakita ng mga mag­lalaban.

Ang iba pang inaasahang masasama sa talaan ng Triple Crown ay ang El Liberador at Cat’s Silver, Be Humble at kung kon­disyon ay ang Eurasian.

Isang Handicap I race sa mga edad tatlong taong gulang na mga kabayo ang magbubukas sa pista na lalahukan nmg limang ka­bayo.