Melindo gustong kunin ang titulo ni Estrada

MANILA, Philippines - May pagkakataon si Filipino contender Milan ‘El Metodico’ Melindo na hamunin ang bagong WBO at WBA flyweight champion na si Juan Francisco Estrada ng Mexico.

Matapos ang kanyang split decision win laban kay Brian Viloria, sinasabing idedepensa ni Estrada ang kanyang mga suot na titulo kontra kay Melindo.

Ayon sa 25-anyos na si Melindo (28-0-0, 12 KO’s), kakayanin niya ang suntok ng 22-anyos na si Estrada (23-2-0, 18 KO’s) kung sila ay mag­ka­katapat sa ibabaw ng bo­­xing ring.

Isang split decision win ang kinuha ni Estrada kontra sa 32-anyos na si Viloria noong Sabado ng gabi sa Macau.

Pinabagsak naman ni Melindo, ang WBO mandatory flyweight challenger, si Tommy Seran ng Indonesia sa 2:38  ng fourth round sa kanilang non-title fight sa undercard nina Viloria at Estra­da.

Payag naman si Estrada na itaya ang kanyang mga korona kontra kay Me­lindo.