Provodnikov sisiw lang daw kay Bradley
MANILA, Philippines - Kumpiyansa si world welterweight titlist Timothy Bradley, Jr. na mas madali niyang tatalunin si Russian challenger Ruslan Provodnikov kum-para kay Filipino world eight-division champion Manny Pacquiao.
Inamin ni Bradley na nahirapan siyang tamaan si Pacquiao bagama’t tinalo niya ito via split decision para agawin sa Filipino boxing superstar ang suot nitong World Boxing Organization welterweight title noong Hunyo 9, 2012.
“Oh heck yes. Pacquiao is tough to hit - he is good defensively,†sabi ng 29-anyos na si Bradley.
Idedepensa ni Bradley ang kanyang hawak na WBO welterweight belt laban kay Provodnikov, nagsilbing sparmate ni Pacquiao, sa Marso 16 sa Home Depot Center sa Carson, California.
Tangan ni Bradley ang 29-0-0 win-loss-draw ring record kasama ang 12 knockouts, habang taglay naman ng 29-anyos na si Provodnikov ang kanyang 22-1-0 (15 KOs) card.
Ayon kay Bradley, gusto niyang patunayan na siya ang tunay na nanalo sa kanilang laban ni Pacquiao sa pamamagitan ng pagpapabagsak kay Provodnikov.
“Every fight from here on out is a statement fight, especially coming after the Pacquiao fight. I am looking to make a statement in this fight and I am looking to damage this guy,†ani Bradley. “I am looking to put this guy out. I don’t want to go 12 rounds with this guy. The longer he stays around the more confident he will get so I want to get him out of there as soon as possible.â€
Si Freddie Roach ang magsisilbi ring chief trainer ni Provodnikov para sa kanyang laban.
- Latest
