Unang milyonaryo sa 2013

MANILA, Philippines - Hinirang ang kauna-unahang milyonaryo dahil sa horse racing noong Sabado nang makuha ng isang ma­­nanaya ang tamang kumbinasyon sa 2nd Winner Take All na pinaglabanan sa Santa Ana Park sa Naic, Ca­vite.

Nasolo ng mananaya ang P1,422,483.20 dibidendo nang makuha nito ang mga lumabas na kabayo sa pi­nag­labanang races 5 hanggang 11.

Umabot sa P2,195,190.00 ang dibidendong pinag­labanan sa 2nd WTA at kasama sa mga lumabas ay ang mga dehadong kabayo ng Wait Ka Lang.

Ang apprentice jockey na si LT Cuadra Jr. ang siyang nagdala sa panalo sa kabayo pero hindi rito na^­ta­pos ang kanyang pagpapasiklab dahil sa race 8 ay mu­ling nasilayan ang husay ng apprentice jockey nang mag­domina ang longshot pang Smoking Peanut. (AT)