Talk ‘N Text nakalapit sa Finals

MANILA, Philippines - Isang panalo na lamang ang kailangan ng two-time defending champion Talk ‘N Text para makapasok sa ka­nilang pa­ngatlong sunod na All-Filipino Finals.

Ito’y matapos nilang talunin ang Alaska, 99-95, noong Linggo sa SM MOA Arena sa Game 5 ng kanilang best-of-seven semifinals series para sa 2012-13 PBA Philippine Cup kung saan sa pa­ngatlong sunod na pagka­ka­taon sa kanilang serye ay lumamang muli ang Tro­pang Texters, 3-2.

Nagtatangka ang prangkisa ng TNT na ma­ging unang koponan sa loob ng nakaraang 19 ta­on sa liga na makapasok sa tatlong sunod na All-Filipino Finals.

Ang huling prangkisang nakagawa nito ay ang Purefoods – ang ko­po­nan ng San Mig Coffee ngayon – na nagawa ito sa isang league record na pitong sunod na taon mula 1988 hanggang 1994.

Pero dalawang beses lang nagkampeon ang Purefoods sa pitong sunod na taon nitong inilagi sa Finals ng All-Filipino Conference – noong 1991 sa ilalim ni Ely Capacio at noong 1993 sa piling ni Chot Reyes.

Mas marami pang na­pa­nalunang kampeonato sa All-Filipino sa pitong sunod na taon na iyon ang San Miguel Beer – Petron Blaze na ngayon – na nagkampeon ng tatlong beses – noong 1989 (ba­ha­gi ng Grandslam), 1992 at 1994.

Ang head coach ng Beermen sa tatlong All-Fi­­lipino championships ni­­la sa apat na Finals mu­la 1988 hanggang 1994 (si­la ang tinalo ng Purefoods noong 1993) ay si Norman Black na na­sa kanyang unang con­fe­rence bilang head coach ng Talk ‘N Tex matapos palitan si Reyes na siya nang may hawak ng Na­tio­nal basketball program ng bansa at ng mga Smart Gilas National teams.

Matapos panguna­han ang five-peat ng Ateneo Blue Eagles sa UAAP, ang All-Filipino three-peat naman ang binubuo ni Black sa PBA para sa Tropang Texters.

Nagtatangka din si Black na makabalik sa isang PBA Finals matapos ang 12 taon o mula nang huli itong nakapasok noong 2001 nang bi­nigyan niya ang Sta. Lucia ng unang titulo nito sa Governors Cup.

Pero ang huling All-Filipino Finals appea­rance ni Black ay noong 1994 sa piling ng San Miguel Beer.

Inaasahan ng Talk ‘N Text na dahil sa magic ni Black ay hindi uubra ang sumpa sa mga nana­nalo sa Game 5.

Ang nagwawagi sa Game 5 matapos magtabla ang mga serye sa 2-all ay laging natatalo sa serye sa huli.