Rubio posibleng maglaro laban sa Mavericks

NEW ORLEANS -- Sinabi ni Timberwolves head coach Rick Adelman na nag-ensayo na si guard Ricky Rubio para sa Minnesota at malapit nang makabalik mula sa kanyang torn left knee ligaments na nagpaupo sa kanya simula noong Marso.

Ayon kay Adelman, maaaring handa na si Rubio pa­ra sa laban ng Minnesota kontra sa Dallas.

Sinabi niyang pag-uusapan pa ng mga team officials ang pagbabalik ni Rubio bago ang kanilang laban ng Mavericks.

Walang nairereport na problema ang medical staff na nagmo-monitor kay Rubio.

“The next step is to get him in games and see how he reacts,” sabi ni Adelman kay Rubio.

Nagtala si Rubio ng mga averages na 10.6 points at 8.2 assists bilang rookie sa nakaraang season.