“HUMIGOP ka pa nang maraming sabaw, Sir Dax para mabilis kang gumaling. Ang sabaw daw kasi ng manok ay may sangkap na nagpapagaling sa maysakit,’’ sabi ni Hiyasmin.
“Talaga?”
“Nabasa ko sa FB—sabi ng isang doktor. Nalimutan ko lang ang tawag sa sangkap.’’
“Baka nga totoo dahil gumagaling na ako.’’
“Kahihigop mo lang ng sabaw, Sir Dax, he-he-he!”
“Pinagpapawisan na ako e.’’
“Baka nga.’’
“Saan ka natutong magluto ng tinola?’’
“Kay Mama. Nanonood ako. Pinaggagayat ako ng papaya, luya at pinaghihimay ng talbos ng sili o malunggay.’’
“A kaya pala sanay ka nang magluto.’’
Napatango si Hiyasmin.
“Kumain ka pa Sir Dax at mamaya paiinumin kita ng gamot.”
Nagpatuloy sa pagkain si Dax.
Humigop pa siya nang maraming sabaw.
Pagkatapos ay tumayo si Hiyasmin at kinuha sa salas ang gamot sa lagnat.
Nang magbalik ay ibinigay kay Dax.
“Inumin mo ito Sir Dax para gumaling ka na.’’
“Salamat.”
Itutuloy