Kaibigan (94)

‘‘Halika na Tess. Sabay tayong kumain. Hindi mo ako dapat pagsilbihan,’’ sabi ni Dex at hinawakan sa braso si Tess.

‘‘Gusto kitang pagsilbihan dahil mahal kita.’

‘‘Alam ko namang mahal mo ako. Halika na.’’

‘‘Teka at ipagtitimpla kita ng kape. Matapang ka bang magkape?’’

‘‘Medyo. Medyo matamis din.’

‘‘Walang gatas o creamer?’’

‘‘Black coffee lang.’’

‘‘Parehas pala tayo ng gusto—black coffee.’’

Nagtimpla si Tess sa dalawang mug.

Nang makapagtimpla ay naupo sa tabi ni Dex.

Iniabot ni Dex ang bandehado ng sinangag na kanin kay Tess. Kumuha si Tess. Iniabot ang ginisang corned beef. Kumuha si Tess.

Kumain sila.

‘‘Ang sarap ng sina­ngag mo Tess. Crunchy ang bawang.’’

‘‘Paborito mo pala ang fried rice?’’

‘‘Oo.’’

‘‘Ikaw lang ba dito?’’

‘‘Oo.’’

‘‘E di ikaw lahat ang gumagawa?’’

‘‘Oo naman.’’

‘‘Pagkatapos kumain, ipaglilinis kita.’’

‘‘Huwag na, Tess.’’

‘‘Basta.’’

Pagkatapos nilang kumain at mahugasan ni Tess ang mga pinggan, naglinis ito ng bahay. Pinunasan ang sahig.

Napansin ni Dex na pagod na si Tess.

‘‘Tama na yan. Magpahinga ka na.’’

‘‘Matatapos na ito.’’

(Itutuloy)