Black Widow (7)
“MAMAMATAY po ba, Madam?’’ Tanong ni Jam sa manghuhula.
“Mamamatay sino?’’
“’Yung lalaki po.’’
“Bakit mo naitanong?’’
“Kasi po Madam, tatlong beses nang nabibiyuda itong kaibigan ko.’’
“Ah kung mamamatay yung pang-apat na lalaki?’’
“Opo, Madam.’’
Binalasa ng manghuhula ang baraha. Pero tila walang makita sa mga nakalatag. Inulit ang pagbalasa. Napailing.
“Wala akong makita.’’
“Ibig mo pong sabihin, maaaring mamatay at maaaring hindi.’’
“Wala akong masasabi. Wala akong makita.’’
“Ah ganun po ba?’’
Napatango ang manghuhula.
“Marami pong salamat, Madam,” sabi ni Marie at binayaran ang manghuhula.
Umalis na sila.
Habang naglalakad patungo sa sakayan ng dyipni sa Recto ay nag-uusap sina Marie at Jam.
“Mag-aasawa pa raw ako, Jam.”
“Oo nga pero hindi nasabi kung mamamatay ang lalaki.’’
“Totoo kaya ‘yun --- mag-aasawa pa ako.’’
“Posible. Bata at medyo sariwa ka pa naman.’’
“Parang natatakot na akong mag-asawa, Jam.’’
“Gusto mo magpahula sa iba? Parang hindi ako nasiyahan sa sinabi ni Madam.’’
“Huwag na Jam. Kung talagang nakatadhana akong mag-asawa muli e di wow!’’
“Sige ikaw ang bahala.’’
(Itutuloy)
- Latest
