“SAAN yung Antipolo St., Kuya Gaude?’’ Tanong ni Gina na lumapit pa nang todo sa nakaupong si Gaude.
‘‘Malapit sa riles ng tren.’’
‘‘A oo, nadaanan ko na ‘yun. Kapag papunta sa Quiapo ang dyip, kaliwa o kanan?’’
“Kanan.’’
“Matagal ka nang nakatira roon, Kuya?’’
“Oo. Nasa college pa ako.’’
“Matagal na pala.’’
“Bakit mo naitanong Gina?’’
“Wala Kuya, basta naitanong ko lang.’’
“Ah, ganun ba?”
“E sino ang kasama mo sa bahay Kuya?’’
‘‘’Yung tatay ko at saka mag-asawang katulong.’’
“Anong trabaho mo Kuya?’’
“Titser ako.’’
“Kaya pala mukha kang titser, Kuya.’’
“Ano ba ang mukha ng titser na lalaki?’’
“Guwapo at makinis Kuya.’’
“Hindi naman ako guwapo at makinis.’’
“Guwapo ka, Kuya. Bagay po kayo ni Garet, he-he-he!”
“Palabiro ka Gina.’’
“Hindi naman po. Siyanga pala kuya, pa-ano puntahan ang bahay mo sa Antipolo St.?’’
“Bakit mo itinatanong?’’
“Gusto kong makarating sa inyo, Kuya.’’
Nagtawa si Gaude.
“Bakit naman gusto mong makarating sa amin?
“Wala lang Kuya, Type ko lang.’’
Natawa uli si Gaude.
‘‘Siyanga pala kuya, anong number ng bahay mo sa Antipolo St.?’’
Walang kamalay-kamalay si Gina na papalapit na si Garet galing sa banyo. Nakita ni Garet na nag-uusap sina Gina at Gaude..
Nagtataka si Garet kung ano ang itinatanong ni Gina kay Gaude. (Itutuloy)