Sessionistas, nagbabalik sa one-night-only concert!
Matapos ang kanya-kanyang tagumpay bilang mga indibidwal, ang mga paboritong SESSIONISTAS ng bansa na sina Ice Seguerra, Nyoy Volante, Sitti, Duncan Ramos, Princess Velasco, Kean Cipriano at Juris ay muling magsasama-sama para sa isang once-in-a-lifetime reunion.
Sa Pebrero 8, 2025, paiilawin ng Love, Sessionistas: A Pre-Valentine Concert ang The Theatre sa Solaire ng isang gabi na puno ng musika, nostalgia, at mga makabagbag-damdaming sandali.
Ang Love, Sessionistas: A Pre-Valentine Concert ay isang love letter para sa fans na sumuporta sa SESSIONISTAS mula nang sila’y magsimula sa Pwesto segment ng ASAP noong 2009.
Sa mga nakaraang taon, ang phenomenal group na ito ay bumihag ng mga puso sa kanilang mga soulful rendition, ‘di matatawarang chemistry at personal connection sa mga tagapakinig.
Ngayon, sila ay magbabalik upang muling buhayin ang mahika, magtatanghal ng kanilang mga pinakasikat na kanta at mga timeless na OPM classics, at magbabahagi ng mga kwento ng kanilang journey – sa entablado at sa likod ng mga ito.
Ang SESSIONISTAS ay hindi lamang isang grupo kundi sila ay isang pamilya na pinagbubuklod ng musika, pagkakaibigan, at malalim na pagmamahal para sa kanilang mga tagahanga. Ang Love, Sessionistas ay hindi lamang isang pagdiriwang ng nostalgia kundi isang paggalang sa kanilang pinagsaluhang legasiya at indibidwal na pag-unlad.
Hatid ng Fire and Ice Entertainment at pinrodyus ng Fire and Ice LIVE, at sinusuportahan ng Katinko, JB Music, HG Studio, nangangako ang Love, Sessionistas na dadalhin nila ang mga manonood sa isang pagbabalik-tanaw at makabagbag damdaming paglalakbay sa pamamagitan ng unibersal na tema ng pag-ibig, musika at koneksyon.
Available na ang mga ticket para sa Love, Sessionistas: A Pre-Valentine Concert sa Feb. 8, 2025 sa The Theatre sa Solaire sa Ticketworld. O bisitahin lamang ang https://bit.ly/LoveSessionistasConcert. Available rin ang ticket sa Fire and Ice LIVE! 09177003262 o mag-email sa [email protected].
- Latest
