Ex-loveteam, ayaw nang magpanggap!

Sumikat ang isang loveteam kahit magkalayo ang looks nila. Eh gaya ng ibang loveteams, nagkakanya-kanya rin ng showbiz career ang loveteam na ito na produkto ng isang reality show.

May iba nang pag-ibig si girl. Si boy naman, dumami ang girls na natuwa nang mahiwalay sa loveteam dahil puwede na nilang landiin ito.

Pero ‘pag nagsasama ang dating magka-loveteam sa isang show, gusto nung namamahala sa show, maging sweet pa rin sila gaya ng dati, huh! Hindi pumapayag ang dalawa. Puwede silang magsama pero hindi na sweet gaya ng dati.

Hindi kasi naging maganda ang hiwalayan ng loveteam kaya tinapos na nila ang anumang si­nimulan nila noon!

Marian, suportado rin ang pinoy na manika!

Suportado rin ni Marian Rivera ang gawang lokal.

Ipinakita ni Yan ang video sa kanyang Facebook ang gawang Pinoy na Reen Barrera na sinamahan niya ng caption na, “Ang astig!”

Of course, nagpista si Marian ng iba’t ibang Labubu dolls na kinagiliwan niya kaya tinawag siyang Labubu Queen!

Kaya naman umani siya ng papuri at palakpakan sa unboxing na ginawa niya sa isang Reen Barrera doll dahil sa pagtangkilik niya rito!