Friendship ng female TV host at female starlet, nawasak sa boylet

DATING BFFs o Best Friend Forever ang female TV host at female starlet. As in, para silang magkapatid at bukas ang tahanan ni TV host kay Starlet kapag inuumaga ito sa kaka-party.

Malaya rin daw na gamitin ni Starlet ang kotse ni TV host pati na manghiram ng damit, sapatos, at bag.

Nasira lang ang friendship nila noong mag-advice si TV host sa bagong boylet ni Starlet. Dahil matigas ang ulo at super in-love si Starlet kaya tinapos nito ang pagiging BFF kay TV host.

Six months na di nagparamdam si Starlet. Nung silipin ni TV host ang Instagram nito, panay pa rin daw ang party nito, pero ang suot na outfit ni Starlet pati na ang bag na bitbit nito ay galing sa closet niya.

Pero hindi na nito sinita ang dating BFF at parang farewell gift na lang niya ang mga hiniram nitong mga gamit na hindi na binalik.

Michelle at Miss Thailand, nagpakilig

May mga netizens na kinilig sa pagbati ni Miss Universe PH 2023 Michelle Dee kay Miss Universe Thailand Anntonia Porsild noong birthday nito.

“Happy Birthday to you. To more blessings in the next trip around the sun. Ok? Ok,” caption ni Michelle sa pinost nitong throwback photo nila ni Anntonia.

Naging close sina Michelle at Anntonia noong lumaban sila sa Miss Universe 2023 sa El Salvador. Pagkatapos aminin ni Michelle na bisexual siya, na-link sila ni Anntonia dahil sa level ng closeness nila.

Nagawa pa ngang bumisita ni Anntonia sa Pilipinas para sa isang photoshoot with Michelle.

Maraming members ng LGBTQIA+ community ang kinikilig sa mga photos na sweet sila sa isa’t isa.

Barbie, may baby na

Sinilang na ni Barbie star Margot Robbie ang baby boy nila ng husband niyang si Tom Ackerley.

Walang info kung kelan nanganak ang 34-year old Australian actress sa first baby nila ni Tom.

Huling nakita in public si Margot ay noong July pa noong manood sila ni Tom ng Wimbledon Tournament.

2016 noong kinasal si Margot kay Tom after nilang mag-meet sa set ng pelikulang Suite Française in 2013.