Nagkaroon ng bisitang advertisers sa set ang isang ongoing TV series bilang pasasalamat sa patuloy na pagtangkilik sa show.
Nagdala ang ilang bosses ng show pati na stars ng food na para sa guests at stars. Nagdala ang isang aktres na may nakukuhanan ng masasarap na food.
Eh habang nagkakainan ang lahat, ‘yung iba sa cast na may kinukunang eksena eh hindi muna nakasama sa kainan.
Itong aktres na may dala ng masarap na food, nagutom after ng take dahil mabigat ang eksenang ginawa niya.
Dumiretso si aktres sa kainan pero naubos na ‘yung dala niyang food! Okey naman sa kanya ‘yung naiwang pagkain. Pero patronize your own ang gusto niya.
Hindi naiwasan ng aktres na uminit ang ulo at todo talak sa kanyang room dahil naubos ang food na dala niya, huh!
Arjo, nagpa-thanksgiving
Pinasaya ni Congressman Arjo Atayde at pamilya niya ang media dahil sila ang unang naghandog ng Christmas party sa kanila.
Bale two in one celebration ang nangyari dahil kamakailan lang ay nanalo bilang Best Male Lead sa ContentAsia Awards dahil sa series niyang Cattleya Killer.
Of course, may mga naka-line up pang work sa showibz si Arjo pero tuloy pa rin ang paglilingkod niya sa District 1 ng Quezon City bilang congressman kung saan landslide ang naging panalo niya noong 2022.
Congratulations, Arjo, and Merry Christmas too!