Mga empleyado ng PTV4, kumampi sa sinibak na General Manager

Nung unang panahon, sa Channel 4 napapanood ang Olympics.

At talagang lahat ng event, may coverage.

Meron ngayon sa One Sports, at napapanood doon ang ilang pangyayari sa ginaganap na Paris Olympics.

Ang hirap kasing manood sa ibang platform lalo na kung mabagal ang internet mo. Mas advisable pa rin sa TV.

Pero talagang ang Channel 4, kumpleto ang coverage noon, may replay pa, kaya mas maraming nakakapanood.

Anyway, speaking of Channel 4, may connection kaya sa pagkakasibak o pagpapatalsik diumano sa beteranong broadcast journalist na si Ana Puod bilang People’s Television Network (PTV) General Manager ang hindi natuloy na programa ni Willie Revillame sa PTV4?

Tsinugi nga diumano ng Malacañang si Ms. Puod na naka-one year lang daw sa posisyon.

Si Antonio Baltazar “Toby” Nebrida Jr., na isang dating reporter ng PTV ang bumalik sa state-run network bilang acting general manager nito kasunod ng pagbabago sa pamunuan.

At ang huling chika nga, nagpahayag daw ng suporta sa kanilang dating General Manager ang PTV Employees Association (PTEA).

Bukas ang pahinang ito sa anumang pahayag ni Ms. Puod.