Julia, gagawa ng sariling version ng mother...

Inanunsyo ng ABS-CBN at ng Nippon TV, ang multiplatform entertainment powerhouse and ratings champion broadcaster sa Japan, na magkakaroon ng Pinoy adaptation ang sikat na Japanese drama na Mother. Kikilalanin ito sa Pilipinas sa titulo nitong Saving Grace at pagbibidahan ito ng award-winning actress na si Julia Montes.

Unang umere sa Nippon TV noong 2010, ang Mother ay ang most exported scripted format sa Asya matapos pumatok sa buong mundo ang kwento nito tungkol sa pagmamahal at pamilya.

Ang Pilipinas ang ikasampung bansang gagawa ng sariling bersyon nito kasunod ng Turkey, South Korea, Ukraine, Thailand, China, France, Spain, Saudi Arabia, at Mongolia.

“We’re very, very happy and excited to announce ABS-CBN Studios’ newest Dreamscape production ‘Saving Grace.’ This is the Philippine adaptation of ‘Mother’ that is created and produced by Nippon TV. This is our very first adaptation of a Nippon TV series and we are very grateful to Nippon TV for entrusting us with the rights for the Filipino version. It’s a beautiful story that really centers around the importance of family and motherhood and promises to be a very emotionally engaging and heartwarming series that will deeply resonate with the Filipino audience and the non-Filipino audiences worldwide,” sabi ni ABS-CBN chief operating officer na si Cory Vidanes.

“As we celebrate our landmark tenth international deal for ‘Mother,’ we are delighted to be announcing this adaptation with ABS-CBN. ‘Mother’ is truly a beautiful story and we are confident that the Filipino audience is going to love it. Best wishes to the cast and crew,” sabi naman nina Yuki Akehi at Sally Yamamoto mula sa Content Business ng Nippon TV.

Si Julia ang magsisilbing eleventh ‘mother’ na magbibigay-buhay sa isang napakahalagang karakter na sigurado umanong aantig sa mga puso ng mga manonood at mag-iiwan din ng importanteng mga aral.

Malapit na rin nilang ipakilala ang iba pang mga karakter na makakasama ni Julia sa Saving Grace.

Mapapanood ang Saving Grace sa 2025.

Kakatapos lang tumanggap ng Best Actress award ni Julia para sa pelikulang Five Break Ups and a Romance at isa sa Box Office Heroes para pa rin sa nasabing pelikula sa katatapos na 7th EDDYS (Entertainment Editors’ Choice) ng Society of Philippine Entertainment Editors (SPEED).