Sosyal si Liza Soberano.
Sobrang cool ang dina-drive niyang kotse sa Los Angeles, California.
Yup, parang ine-enjoy ni Liza o ang kanyang buhay sa US matapos lumabas sa pelikulang Lisa Frankenstein.
Nakunan nga si Liza sa mga kalye ng Los Angeles, California nang makita ito ng content creator na si Daniel Mac na nagmamaneho ng BMW i8.
Ang mga presyo diumano ng BMW i8 na dina-drive ni Liza ay mula $148,495 (P8,389,225.03 batay sa kasalukuyang exchange rates) hanggang $164,295 (P9,281,846.03).
Bukod sa pagiging convertible, ang BMW i8 ay isang plug-in na hybrid na sports car na nagtatampok na leather upholstery, head-up display, Harman/Kardon sound system, at Apple CarPlay integration.
Sabi ng tiktoker: “What do you do for a living?”
“Casually meeting the largest [Filipino] actress,” sabi ng Tiktoker at doon sinabi ni Liza na isa siyang actress sa Pilipinas.
Nagbahagi rin si Liza ng slight na payo sa buhay para sa mga taong naghahangad na maging artista sa hinaharap. “Just be true to yourself and take risks.”
At least talagang napapansin na siya sa Hollywood.