Jeremiah The Clash 2 winner!
SEEN: Ang thanksgiving lunch kahapon ni Senator Lito Lapid sa entertainment press. Tumanggi si Senator Lapid na magsalita tungkol kay Michelle Ortega dahil may asawa na ito. Si Michelle ang ina ni Ysabel Ortega, ang lovechild nila ni Senator Lapid na mainstay ng The Gift ng GMA 7.
SCENE: Kung totoo na may pangalawang buhay, gusto ni Senator Lito Lapid na maging artista muli. Lumang Bakal ang pamagat ng pelikula na ginawa ni Senator Lapid na inaasahan na mapapanood sa mga sinehan sa susunod na taon.
SEEN: “Tapos na ang maliligayang araw bilang single. Simula ng maliligayang araw bilang husband.Relax, kaya mo ‘yan Jolo,” ang reaksyon ni Lani Mercado nang makita nito na umiiyak ang kanyang anak habang pinapanood nito ang bridal march ng fiancee niya na si Angelica Alita.
SCENE: Si Jeremiah Tiangco ang tinanghal na grand champion sa grand finals ng The Clash Season 2 noong Linggo. Nagpakitang-gilas si Jeremiah sa pagkanta pero sumablay ang boses niya sa kanyang huling kanta. Isang milyong piso, kotse, house and lot at exclusive contract sa GMA Artist Center ang mga premyo na natanggap ni Jeremiah.
- Latest
