Nakaranas na naman ng body shaming si Lovi Poe nang i-post niya ang picture na naka-red two-piece bikini siya. Ilan sa comments ay flat na ang kanyang boobs, flat pa rin daw ang butt. May nag-suggest pang bago siya mag-post ng ganu’n, isama sa workout niya ang squat para magkapuwet sya.

Pero dedma si Lovi sa nega comments, ang mga kaibigan gaya ni Louise delos Reyes ang sumagot sa bashers at nagpasalamat sa kanya si Lovi. Pero mas marami pa rin ang na-appreciate ang ginawa ni Lovi dahil kahit alam na maba-bash siya, nag-post pa rin ng picture na kita ang imperfection niya.

To the rescue rin ang BF ni Lovi na si Chris Johnson sa comment nitong “You are the most beautiful person in and out of my Cherie. I wish I had the same humility and kindness, but you gotta admit my pics are pretty awesome. LIT AF YOU ARE.”

Anyway, balik primetime si Lovi sa sexy comedy series na Triple X (working title pa lang daw ito). Kasama niya sina Max Collins at Rhian Ramos sa direction ni Maryo J. Delos Reyes.

Assunta maraming sakit kaya ‘di nagkakaanak

May myoma at endometriosis si Assunta kaya  hirap siyang magbuntis kahit gusto na nilang magka-baby ni Jules Ledesma lalo’t malalaki na ang dalawang anak ni Jules sa first wife. Napag-usapan nila ang IVF at payag si Assunta sa prosesong ito. Tatapusin lang daw niya ang taping ng Impostora at ‘yung series nila nina Janine Gutierrez at Cherie Gil at puwede na siyang magpa-IVF.

Pinakikialaman ang buhay Cesar at Robin

Napanood namin ang video ni Pen Medina sa anti-dictatorship rally noong September 21 na disappointed siya kina Cesar Montano at Robin Padilla na maka-Duterte at suportado ang gobyerno ni Pres. Rody Duterte. Nag-wish si Pen na magbabago pa ang isip ng dalawa.

Ano kaya ang magiging reaction ni Pen ‘pag nalamang dalawang sikat na aktor ang dumalo sa rally in support of Pres. Duterte sa Plaza Miranda? Umakyat sa stage ang dalawang aktor, pero parang wala silang picture at video na makikita sa social media.

Tama ang nag-comment na may kanya-kanyang paniniwala ang bawat isa, kaya ‘wag na sanang problemahin ni Pen sina Cesar at Robin. Huwag na rin daw nitong isali ang showbiz sa usaping pulitika para hindi na madagdagan ang pagkakahati ng mga taga-showbiz.

Edgar binantaan

May make-up ng pasa sa kanyang mukha si Edgar Allan Guzman nang makausap namin sa taping ng My Korean Jagiya. Ang eksena pala, sinuntok siya ni Ricky Davao dahil ginugulo nito si Heart Evangelista na kanyang iniwan at ipinagpalit sa ibang babae. Kontrabida ang karakter ni Edgar at kahit rom-com series ang show, may mga naiinis pa rin sa karakter niya as Ryan. May fan na nag-DM sa kanya na ‘wag lalabas ng madaling-araw para hindi makita ng kuya ng fan. May pagbabanta? Siguro kapitbahay sa Pasig ni Edgar ang taong ‘yun.