MANILA, Philippines - Ibabahagi ng primetime hunk na si Ian Veneracion ang kanyang pagkahilig sa extreme sports at dedikasyon bilang ama sa Father’s Day episode ng Tapatan Ni Tunying ngayong Hunyo 16 (Biyernes) sa ABS-CBN.
Ibibida ng A Love To Last leading man ang kanyang pakikipag-bonding sa mga anak sa kabila ng kanyang pagkahilig din sa extreme sports at kung paano niya binabalanse ang panahon sa trabaho at pamilya.
Kilalanin din ang iba pang mga dedikadong ama tulad ni Alumnio Corsanes isang biyudo na ginagawa ang lahat ng paraan upang mapa-operahan ang mata ng anak, at ang volleyball coach na si George Pascua, na nagsisilbi din na ama-amahan sa kino-coach na team.
Ma-inspire sa pagmamahal at dedikasyon sa pamilya na ipapamalas sa Tapatan Ni Tunying kasama si Anthony Taberna, ngayong Biyernes (Hunyo 16) pagkatapos ng “Bandila” sa ABS-CBN at ABS-CBN HD, at sa DZMM Teleradyo ng 9:30 pm.