‘Parol’

(PART 4)

BUONG panahon ng aking pag-aaral sa elementarya ay hindi ko nakita si Lolo Fernando. Kapag tinatanong ko kay Nanay kung nasaan si Lolo ay umiiwas itong pag-usapan ang tungkol dun. Basta ang sinasabi ay nasa isang malayong probinsiya si Lolo. Nang tinanong ko kung ano ginagawa ni Lolo roon ay sinabi ni Nanay na mayroon itong sinasakang bukid.

Nang mag-first year high school ako, saka ko nakita si Lolo. Guwapo pala si Lolo. Maputi at kulay brown ang mga mata.

Sabi ni Nanay, dun na raw sa amin titira si Lolo. Wala na kasing asawa si Lolo. Namatay si Lola sa sakit. Sa amin daw gustong tumira ni Lolo dahil gustong mapalapit sa kanyang apo—na walang iba kundi ako.

Ganunnman kahit may sinabi nang dahilan si Nanay ukol kay Lolo, gusto ko pa ring may mabatid kay Lolo.

(Itutuloy)