College student patay sa kasalubong na truck

VINZONS, Camarines Norte, Philippines — Nagkala­sug-lasog ang katawan ng isang 19-anyos na college student matapos na mabangga ng kasalubong at nabalahong asul na pickup truck sa kahabaan ng kalsada ng Sitio Mat-i, Brgy.Sto.Domingo, Vinzons, Camarines Norte, nitong Huwebes ng hapon.

Matinding sugat sa ulo at iba’t ibang bahagi ng katawan ang agarang ikinasawi ng biktimang si alyas “Rico”, residente ng naturang lugar habang arestado ang driver ng nakabanggang sasakyan na kinilala sa alyas “Dante”.

Sa ulat, dakong alas-2:50 ng hapon, galing sa bayan ng Daet at patu­ngong Labo ang pickup truck nang mahulog ang kanang gulong nito sa gutter dahilan para mawalan ng kontrol sa manibela ang driver at napunta ang sasakyan sa kabilang linya saka bumangga sa papara­ting na motorsiklo ng biktima.

Sa lakas nang pagkakabangga ay nawasak ang motorsiklo na agarang ikinasawi ng estudyante.