Pedestrian nasagasaan ng 3 sasakyan, dedo

CAVITE , Philippines — Tripleng kamatayan ang sinapit ng isang lalaking pedestrian makaraang masagasaan ng 3 sasakyan habang tumatawid sa kahabaan ng Governor’s Drive, Brgy. Bancal, Carmona, Cavite.

Patay ang biktima na si alyas Joey, nasa hustong gulang residente ng Carmona Cavite.

Sa imbestigasyon ng pulisya, alas-5:30 ng madaling araw nang maganap ang insidente, tumatawid ang biktima sa nasabing lugar nang salpukin ito ng isang kotse.

Pagkatilapon ng biktima, hindi ito napansin ng paparating na 2 pang sasakyan kung kaya mu­ling nasagasaan ang biktima.

Hindi na nagawa pang madala sa pagamutan ang biktima na namatay noon din.

Hawak na ng pulisya ang 3 driver ng mga nasabing sasakyan.