MANILA, Philippines — Nanumpa kahapon si Athena Bryana Tolentino bilang ika-39 gobernador ng lalawigan ng Cavite at pinakabata sa edad na 26 na umupo sa pinakamataas na posisyon sa lalawigan.
Si Tolentino ay nahalal na vice governor ka-tandem si Jonvic Remulla, na hinirang ni Pangulong Ferdinand R. Marcos Jr. kapalit ng nagbitiw na si Benhur Abalos Jr. bilang Secretary of the Interior and Local Government para tumakbong senador at nangako na ipagpapatuloy ang naumpisahang programa at proyekto ni Remulla.
Nanumpa si Tolentino sa harap ni Cavite Regional Trial Court Judge Raquel Aspiras Sanchez sa Provincial Capitol sa Trece Martires na sinamahan ng ama na si Tagaytay City Mayor at Philippine Olympic Committee president Abraham “Bambol” Tolentino, ina na si Dr. Agnes Tolentino, kapatid na si Aniela Bianca na tumatakbong representative ng Eighth District of Cavite, at Brent.