Tandem umatake sa Quezon Province, motorista utas
CANDELARIA, Quezon, Philippines — Pinaulanan ng punglo hanggang sa mamatay ang isang rider ng dalawang hindi nakikilalang salarin sa barangay road ng Sitio Ibaba, Barangay Kinatigan 2 sa bayang ito, kamakalawa ng hapon.
Ang biktima na nagtamo ng mga tama ng bala ng hindi pa batid na kalibre ng baril sa ulo at iba’t ibang parte ng katawan ay kinilalang si Henry Olazo 42, binata ng Barangay Pahinga Sur.
Inilarawan naman ng mga saksi ang mga suspek na nakasuot ng kulay yellow green na T-shirt at jacket na kapwa tumakas matapos isagawa ang krimen.
Ayon kay PLt. Col. Alexis Oliver Nava, chief of police sa bayang ito, binabagtas ng biktimang sakay ng Rusi motorcycle ang barangay road dakong alas-4:20 ng hapon ng harangin ng mga suspek saka pinaulanan ng punglo na agad nitong ikinamatay.
Inatasan na ni Lt.Col.Nava ang kanyang mga operatiba na tugisin ang mga salarin at alamin ang motibo sa pamamaslang sa biktima.
- Latest
