MANILA, Philippines — Isang 67-anyos na lalaki ang nasawi matapos na mahulog sa deep well noong Miyerkules ng umaga sa Calauag, Quezon.
Kinilala ang biktima sa alyas Alejo, residente ng Barangay Doña Aurora.
Sa report ng Calauag police, laking gulat ng mga residente nang makitang nasa ilalim ng balon ang biktima at pinagtulung-tulungang iahon, subalit wala na itong senyales ng buhay.
Ayon sa mga kaanak, may sakit na alzheimer ang biktima at hinihinalang nasa gilid ito ng balon ng mawalan ng panimbang at mahulog.Wala namang nakikitang foul play ang mga awtoridad sa pangyayari.