CAVITE, Philippines — Patay ang isang 31-anyos na lalaki makaraan itong pagbabarilin ng malapitan sa ulo ng tatlong lalaki habang ang biktima ay naglalakad kamakalawa sa Brgy Molino 2, Bacoor City.
Kinilala ng pulisya ang biktima na si Joshua Metre, residente ng Greenvalley, Brgy. Molino 2, Bacoor City, Cavite.
Nakilala naman ang tatlong suspek na sina alyas “Roden”, “Khalid” at “John”.
Sa imbestigasyon ng pulisya, alas-2:30 ng madaling araw habang naglalakad pauwi ang biktima nang harangin ng tatlong armadong suspek at walang sabi-sabing pagbabarilin sa ulo.
Nang bumulagta ang biktima, mabilis na tumakas ang mga suspek tangay ang mga armas na gamit sa krimen.
Inalaam pa ng pulisya ang posibleng motibo ng insidente.