2 dalagita timbog sa P1 milyong shabu
![2 dalagita timbog sa P1 milyong shabu](https://media.philstar.com/photos/2024/08/03/3_2024-08-03_22-21-26.jpg)
CAVITE, Philippines — Arestado ang dalawang dalagita matapos makumpiskahan ng may P1-milyong halaga ng shabu sa inilatag na buy-bust operation ng pulisya kamakalawa ng hapon sa Brgy. Panapaan, Bacoor City.
Kinilala ng pulisya ang magkaibigang suspek sa mga alyas na “Rica” at “Jalila”, kapwa ng Brgy. Datu Esmael Dasmariñas City, Cavite.
Sa ulat, alas-4:30 ng hapon nang magkasa ng buy-bust operation ang Provincial Drug Enforcement Unit (PDEU), Cavite Provincial Police Office, at Bacoor City Police laban sa mga suspek na unang isinailalim sa surveillance.
Nang makumpirma sa illegal na gawain, isinagawa ang buy-bust sa Brgy. Panapaan, Bacoor City. Agad inaresto ang dalawa at narekober sa kanila ang may mahigit sa 150 gramo ng shabu na aabot sa halagang P1,020,000.
- Latest