CAVITE, Philippines — Patay ang isang Chinese national makaraang barilin sa ulo ng ‘di nakilalang suspek na sakay ng isang van na humarang sa biktima habang nagmamaneho ng kanyang kotse at bumabagtas sa kahabaan ng CM Selos Reyes Avenue, Brgy. Javalera, General Trias City, dito sa lalawigan.
Dead-on-the-spot ang biktima na kinilalang si David Quina Jiang, alias “Jiang Wei”, 46-anyos at residente ng Velvet View Subdvision, Kaybagal South, Tagaytay City.
Sa ulat ng pulisya, alas-5:14 ng hapon nang maganap ang insidente habang minamaneho ng biktima ang kaniyang Mazda 3 na may plate number NED986 at bumabagtas sa nasabing lugar patungong Brgy. Biclatan.
Sinabayan ito ng isang Toyota Hi-ace van na may plate number NGP2325 at hinarang ang kotse ng biktima saka agad siyang binaril sa ulo.
Matapos ang pamamaril, mabilis na tumakas ang ‘di kilalang suspek at iniwan ng ang dalang van sa lugar ng insidente.