Lalaki inaresto sa nakaw na 24 motorsiklo
MANILA, Philippines — Inaresto ng mga pulis ang isang lalaking residente matapos makuha sa loob ng kanyang bakuran ang nasa 24 nakaw na motorsiklo, 2 baril at shabu nitong Martes sa Sultan Kudarat.
Kinilala ni Brig. Gen. Jamili Macaraeg, director of the Police Regional Office-12, ang suspek na si Eric Adi Pasawilan na nasa kustodiya ng Lambayong Municipal Police Station.
Ang 24 motorsiklo, dalawang .45 caliber pistols at 9 sachets ng shabu ay nakita sa bakuran ng kanyang bahay sa Barangay Zeneben, Lambayong, Sultan Kudarat.
Nabatid na sinalakay ng Lambayong police force at mga tauhan ng Sultan Kudarat Provincial Police Office ang bahay ni Pasawilan matapos makatanggap ng sumbong mula sa mga kapitbahay nito na nagtatago ito ng mga nakaw na motorsiklo na umano’y sinasangla sa kanya ng mga tao sa kalapit na bayan.
- Latest
