CALASIAO, Pangasinan, Philippines — Karumal-dumal na kamatayan ang sinapit ng isang Grade 7 student matapos na pagbabarilin ng anim na suspek ay ginilitan pa sa harap ng kanyang tiyuhin na naganap sa harapan ng barangay hall sa Nagsaing ng bayang ito kamakalawa.
Hindi muna tinukoy ng mga awtoridad ang pagkakakilanlan ng 15- anyos na binatilyo, residente ng Nagsaing Centro sa nasabing bayan.
Sa ulat ng Calasiao Police, habang naglalakad ang biktima sa kalsada bandang alas-9:20 ng umaga kasama ang kanyang tiyo na si Willie Saplan nang biglang dumating ang anim na lalaki sakay ng apat na motorsklo at agad silang pinalibutan.
Isa sa mga suspek ang biglang bumunot ng baril at sunud-sunod na pinaputukan ang biktima. Isa pang suspek ang naglabas naman ng patalim at mabilis na ginilitan sa leeg ang binatilyo saka mabilis silang nagsitakas sa lugar.
Narekober ng mga rumespodeng pulis sa lugar ang anim na basyo caliber. 45.
Patuloy ang isinasagawang imbestigasyon ng pulisya at koordinasyon upang makakuha ng posibleng CCTV footages sa lugar na dinaanan ng mga suspek sa kanilang pagtakas habang inaalam din ang motibo sa malagim na krimen.