Dayuhan, 2 kasama arestado sa droga

BAGUIO CITY, Philippines — Swak sa selda ang isang foreign national at dalawang kasama nito matapos silang maaresto sa isinagawang anti-illegal drug buy-bust operation ng mga otoridad sa Purok 2, Gibraltar, ng lungsod.

Kinilala ang foreign national na si Hamed Abraham habang ang dalawang kasama nito ay nakilalang sina Troy Adalim Mencio, Jr. at Daniel Paul Castro.

Nakumpiska mula sa mga suspek ang humigit kumulang sa 14.175 gramo ng umano’y kush/dried marijuana na tinatatayang nagkakahalaga ng P20,000.

Narekober sa mga suspek ang isang genuine na P1,000  at 19 piraso ng P1,000 na boodle money o fake money na ginamit bilang buy-bust money.

Ang naturang buy-bust operation ay ikinasa ng mga pinagsanib na puwersa ng PDEA at pulisya.