Drug pusher todas sa buy-bust
ZARAGOZA, Nueva Ecija, Philippines — Patay ang isa umanong tulak ng droga na may kasong frustrated murder matapos umanong kumasa sa isinagawang drug buy-bust operation ng pulisya sa Barangay Sta. Lucia Young, ng bayang ito, kahapon ng madaling-araw.
Kinilala ang napatay na suspek na si Al Taberna, nasa hustong gulang, ng Barangay Balaring sa bayan ng General Natividad ng lalawigan.
Sa ulat,alas-12:05 ng madaling araw ay nagsagawa ng drug buy-bust operation ng pulisya laban sa suspek at nang magkaabutan ay natunog ng huli na pulis ang kanyang ka-deal.
Bumunot umano ng baril ang suspek, subalit naunahan siya ng mga otoridad.
Bukod sa isang plastic sachet na naibenta ng suspek sa police poseur-buyer ay nasamsam pa ang 15 piraso ng plastic sachet ng hinihinalang shabu na tinatayang P10,000 ang halaga.
- Latest
