TUGUEGARAO CITY, Cagayan, Philippines — Nasawi noon din ang isang 54-anyos na propesor matapos sumalpok ang minamaneho nitong van sa isang trak sa highway ng Brgy. San Benito Norte, Aringay, La Union ,kamakalawa ng gabi.
Ang namatay dahil sa pinsalang natamo sa ulo at katawan ay nakilalang si Roberto Liwag ng Don Mariano Marcos Memorial State University,La Union campus.
Sa ulat,alas-10:00 ng gabi ay binabagtas ng biktima ang nasabing highway pauwi sa kanilang bahay mula sa isang okasyon nang sumalpok sa trak na umaatras para pumarada.
Sa lakas nang pagkasalpok ay namatay noon din ang biktima habang ang truck driver na si Michael Anthony Colcol ay agad na inaresto at nakatakdang kasuhan ng criminal.