LEGAZPI CITY, Albay , Philippines — Nasawi noon din ang isang 50-anyos na magsasaka habang sugatan ang nakababatang kapatid matapos silang magsuntukan at magsaksakan sa Purok-1, Brgy. Macogon, Labo, Camarines Norte kamakalawa ng hapon.
Hindi na nagawa pang isugod sa ospital makaraang masawi sa kanyang kinabagsakan ang biktimang si Crisaldo Vicente Efa habang kasalukuyang inoobserbahan ang nakababatang kapatid na suspek na si Edgar, 38-anyos, pawang ng nasabing barangay.
Sa ulat, dakong alas-3 ng hapon, nagtalo ang magkapatid na nauwi sa suntukan hanggang sa kumuha pareho ng patalim at nag-undayan ng saksak. Napuruhan sa iba’t ibang bahagi ng katawan at patay na bumagsak si Crisaldo habang sugatan namang isinugod sa Camarines Norte Provincial Hospital si Edgar.