Rice mill operator kisay sa kuryente
NUEVA ECIJA , Philippines — Patay ang isang operator ng rolling rice mill matapos mangisay nang aksidenteng madikit ang isang bahagi ng gilingan sa live wire ng isang bahay sa Brgy. Plaridel, bayan ng Llanera, sa lalawigang ito, kamakalawa ng umaga.
Hindi na umabot nang buhay sa Dr. Paulino J. Garcia Medical Center sa Cabanatuan City ang biktimang si Mhervin Sibuma, 34-anyos, may asawa, residente ng naturang barangay.
Ayon sa pulisya, bandang alas-5:45 ng umaga noong Huwebes, magkasama ang biktima at ang kapwa operator at may-ari ng naturang rolling rice mill o mas kilala sa tawag na rolling cono, na si Rodel Ignacio nang mangyari ang insidente.
Nabatid nang pindutin umano ng biktima ang ‘start button’ ng naturang makina ay aksidenteng nadikit umano ito sa live wire dahilan upang makuryente ito.
- Latest
