Cavite , Philippines — Nadakip ang isang 16 anyos na dalagita at lima pang pawang mga tulak sa isang drug bust operation ng Gen. Trias Police sa pangunguna ni P/Lt. Col Paul Tangan Bometivo kamakalawa ng gabi sa Brgy. Vibora, General Trias, Cavite.
Kinilala ang mga suspek na sina alias Bea, 16, Charlemagne Bautista, @Kayog, 30, nasa IR list ng pulisya kapwa residente ng Brgy. Vibora ng lunsod na ito; Rowell Dula @Jocker, 35, tricycle driver; Warren Villete, 34, construction worker; Bernard Jaime, 37, vendor, pawang mga residente ng Barangay Salitran Dasmariñas City; at Jayson Yasis, 33, driver, residente ng Silang Cavite.
Ang dalagita ang ginagamit ng mga kasama nito na humarap at makipag-usap sa kanilang buyer upang iwas huli dahil menor de edad lang ito.
Nakuha sa nga ito ang may mahigit kumulang 5 gramo ng shabu na aabot sa halagang mahigit kumulang sa P50,000.