Cavite, Philippines — Hindi na umabot pa nang buhay sa pagamutan ang isang 35-anyos na mister matapos siyang tadtarin ng saksak ng kanyang kabitbahay makaraan ng isang mainit na pagtatalo kamakalawa ng gabi sa Tanza, Cavite.
Dead-on-arrival ang bikitima na nagtamo ng maraming saksak sa iba’t-ibang bahagi ng katawan na si Jose, Jr. Arias, may asawa, at residente ng 150 Brgy. Punta 1, Tanza, Cavite.
Naaresto naman ang suspek sa follow-up operation ng pulisya na nakilalang si Kelvin Hilario 25-anyos, welder, at residente ng Carissa Homes way, Purok 7, Brgy. Punta 1,Tanza, Cavite.
Sa ulat ng pulisya, alas-9:30 ng gabi nang maganap ang insidente matapos na magtalo ang dalawa na ikinapikon ng suspek.
Dahil dito, sunud-sunod na inundayan ng saksak ng suspek ang biktima bago tuluyang tumakas. Agad na isinugod sa pagamutan ang biktima subalit idineklarang dead-on-arrival.