TUGUEGARAO CITY, Cagayan, Philippines - Pinabulagta ang 23-anyos na mister na tumangging magpautang matapos itong pagbabarilin ng kanyang kapitbahay na senglot sa Barangay Buliclic, bayan ng Sta. Lucia, Ilocos Sur kahapon, Kinilala ni PO3 Nestor Cacpal ang napatay na si Gian Dela Cruz habang pinaghahanap naman ang suspek na si Mario Cabbab, 44, kapwa nakatira sa nasabing barangay.? Ayon kay Cacpal, nagkrus ang landas ng dalawa sa tapat ng bahay ng suspek nang makipagtalo ito sa biktima sa pagtanggi nitong magpautang hanggang sa nauwi sa pamamaril.? Nagtamo ng tama sa ulo, batok at likuran ang biktima habang patuloy na tinutugis ng mga pulis ang suspek na sinasabing namundok matapos mapatay ang biktima.