2 drug suspek utas sa pamamaril

MANILA, Philippines -  Dalawang drug suspek ang napatay sa naganap na magkahiwalay na pamamaril sa mga lalawigan ng Laguna at Camarines Norte. Kinilala ang napaslang na si Irineo Vasquez, 56, biyudo, nakatala bilang HVT at ika-2 sa drug watchlist sa Laguna. Si Vasquez ay sinasabing kumasa at nakipagbarilan sa mga awtoridad sa inilatag na buy-bust operation sa Brgy. Bayog, Los Baños, Laguna kamakalawa. Samantala, napatay din si George Caesar “Tiktik”  Avila Ellorza, 38, ng Purok 5, Brgy. Pamorangon sa nabanggit na bayan. Natagpuang patay ang biktima na nakahandusay sa bakanteng lote  sa Purok 1, Brgy. Bibirao sa bayan ng Daet, Camarines Norte kamakalawa. Narekober sa crime scene ang tatlong basyo ng cal. 9mm pistol,  mga alahas, pera at iba pang personal na gamit.