TUGUEGARAO CITY, Cagayan, Philippines - Pinasok ng apat na armadong holdaper ang isang paaralan at walang puknat na tinutukan at pinagnakawan ng malaking halaga ng pera ang dalawang guro sa Barangay San Fermin, Cauayan City, Isabela kamakalawa.?Sa report kay Isabela Police Director Sr. Supt Reynaldo Garcia, alas-5:00 ng hapon nang umatake ang apat na armadong lalaki sa Tumaneng Elementary School at tinutukan ng patalim si Marry Jane Foronda, 36, na inagawan ng bag na may lamang P34,000 at si Tessie Bassig na nakuhanan ng P43,000.? Mabilis na tumakas ang mga suspek sakay ng dalawang motorsiklo matapos limasin ang cash ng dalawang guro habang walang kamalay-malay ang sekyu ng paaralan. ?Kinilala ng dalawang guro sa Police rogues gallery ang isa sa mga holdaper na isang Ernesto Pangilinan na sa ngayon ay isinailalim ng hepe ng Cauayan Police na si Supt. Kevin Bulayungan sa isang manhunt operation.