Pulis itinumba ng tandem

TUGUEGARAO CITY, Cagayan, Philippines - Patay ang isang 41-anyos na intelligence officer ng pulisya na nakakatanggap ng death threats mula sa sindikato ng droga nang ratratin ng riding-in-tandem assassins habang sakay ng kanyang motorsiklo sa Brgy. Salbang, Paoay, Ilocos Norte kamakalawa. Kinilala ni Chief Insp. Dexter Corpuz, tagapagsalita ng Ilocos Norte Police ang napatay na si PO3 Fernando Sacatrapos Jr. na nakatalaga sa Paoay Police Station. ?

Ayon sa ulat, pabalik sa kanyang presinto mula sa pagpupulong ng mga kasapi ng Barangay Information Network (BIN) sa Batac City si Sacatrapos nang sundan siya ng mga suspek sa abandonadong bahagi ng Brgy Road.Kinondena naman ni Paoay Mayor Jessie Galano ang pagpatay kay Sacatrapos na minsang inamin sa kanya na mayroon siyang natatanggap na pagbabanta mula sa mga drug lords.?

Binuo na pulisya ang Task Force Sacatrapos upang sundan ang pagsisiyasat sa nangyaring pagpatay sa kanilang kabarong pulis.