TUGUEGARAO CITY, Cagayan, Philippines – Bumulagta ang 27-anyos na magsasakang senglot habang sugatan naman ang 8-anyos na totoy matapos magwala ang senglot nitong tiyuhin sa masayang reunion sa Barangay Calao Norte, bayan ng Lasam, Cagayan kamakalawa. Kinilala ni P/Chief Insp. Ramil Alipio, hepe ng Lasam PNP ang napatay na si Eduardo Tejano habang nasakote naman ang suspek na si Ariel Udani, 32. Sa imbestigasyon ng pulisya, nagkasagutan ang dalawa habang nag-iinuman na humantong sa pagwawala ng suspek gamit ang cal. 45 pistol kung saan sunud-sunod na pinutukan ang biktima. Tinamaan naman ng ligaw na bala ang totoy na si Samir Adrian Pagulayan na isinugod ng mga kaanak sa pagamutan. Sa isinagawang follow-up operation ng pulisya naaresto ang suspek subalit nabigong makuha ang murder weapon.?